Aralai mi January 20 (Nithum Ni) cu US ram ah President Donald Trump a tanhtu hna nih ramkulh 50 ning in le Distric of Columbia (DC) tiang hriamnam he buainak an chuahpi khawh tiah ralrinnak thawng thanh a si cang.
Hi ni hi President Biden nih mizapi hmai ah Biakamnak a tuah ding ni zong a si. National Guard ralkap bu minung thonghra hna zong Capitol Hill ah an phan cang i, ralvennak ah an dir cang ti a si.
President a si colh ding mi Mr Biden cu White ah khua a sak bak in Trump nih a rak hman mi policy le riantuannak vialte a thlen nawn cang lai tiah theih a si.
A biapi in zeidah a thlen hna lai?
- US ram cu Paris climate change agreement ah a lut than lai. Vawleicung carbon chuah thumhnak kong ah US ai tel than lai.
- Muslim ram pawl nih US tlawn khawh lo ding in Trump nih a tuah mi cu a thlen lai i, US ram ah khualtlawn luhchuah a fawi deuh lai.
- Ram mipi nih COVID-19 khamnak ca ah Mask i hruk hrimhrim ding ti mi a chuah pi lai.
President Trump bantukin Mr Biden zong hi US ram ah mipi harsatnak a tam ca ah tiah stimulus chek $ 1.9 trillion kan bawmh hna lai tiah tuzarh thawk ka ahkhan a chim. Lawmakers pawl nih fehternak an tuah hnu ah US ram ah mipi nih phaisa bawmhnak an ngah than lai tinak a si.
A ralai mi Zarhpi Ni ahcun Washington DC hmun tam deuh cu lockdown an tuah cang lai. President elect Mr Biden biakamnak tuah ding a si ca ah buainak a um sual lai tiah Lockdown an tuah lai.
US President thar a kai paoh ah National Mall hmai ah a thong sang in minung an rak chuah tawn mi cu tukum cu hmuh khawh a si ti lailo. Secret Service lei nih kan khar ah a tha lai tiah an chim ca ah an khar lai i, President biakamnak cu inn cio in rak zoh ding ah Local cozah nih mipi an thanh cuahmah hna. Biden le a phu zong nih ram mi nih COVID-19 ruang ah khi Ni cu Washington DC rak tlawng hlah u tiah an thanh.
A ralai mi Sunday ah US ram ah zeidah a cang lai, meithal le hriamnam he buainak a chuak lai maw, US rampi khuaci a mui taktak lai maw tiah dide ngaih lio pi a si.
US ram a buai lai maw?
Source: BBC
