CBN News, 10 Nov 2020: Kum 4 te lawng a sirih mi Mizo hngakchia Esther hnamte nih India ram hla ‘Maa Tujhe Salam Van dee mataram’ timi hla a sakmi cu zarh 1 chung ah minung million zohtu a ngei, Youtube ah an thlahnak zarh 2 te lawng a si rih nain minung 2.5million nih an zoh cang.
Esther Hnamte hi Mizoram, Lunglei khua a si, India ram hla a sakmi cu India Prime Minister Modi nih Twitter ah a share i “Esther Hnamte, kan in uangthlar tuk, India ram le miphun caah zohchunh awktlak thinlung thiang na si” tiah a ttial.
‘Maa Tujhee Salam’ sullam cu ‘Mother i salute you’ = ka nu na kut kan tlaih tinak a si i kum 1997 ah india bollywood star hlaphuah thiam minthang A.R Rahman nih a phuahmi a si.
Hi hla ah hin ram le miphun dawtnak fakpi in langhter a si. Esther hnamte nih a sakmi hi India ramchung lawng silo, Europe le America Kontinenh tiangin Youtube ah reaction an tuah, India tadinca ngan ngan nih Online ah an phozar piak.
music Video tang ah “dawtmi vialte hna India mi nan si ruangah kan uanpi tuk hna, India ram cu daihnak le dawtnak ram a si, holh phun2 um hmanh selaw lungkhat te in ram a dawmi kan si hna, ka hawikomh dawtmi vialte, fanu tha le fapa tha kan si naklai dir tti hna usih” tiah a tial.
Mizoram Chief Minister Pu Zoramthanga nih online ah Esther hnamte hlasaknak cu a share ve, a uarnak le zohchunh awktlak a sinak a ttial.
Esther Hnamte nih a sakmi India ram hla nih India mipi lawng silo in Ramdang lei ah mi tampi lung a hlau, a a hlasaknak cu reaction an tuah i an Youtube Channel ah an rak thlah tthan ve hna.
Esther Hnamte hla saknak
