Yangon khualaicir ah a dir i Kawlram ah a dot sang bik Hotel a rak si bal mi Sule Shangri-La Hotel pi cu February 1 thawk in thla 9 chung an khar lai tiah theih a si.
Shangri-La Group nih nihin January 13 ah thawngthanhnak an tuah i thlakua chung kan khar chung lai tiah an thanh. Asinain, Sule Square Mall & Office le Shangri-La Residence tu cu khandal a hlangtu hna cu hunpiak an si ko lai tiah an chim.
“COVID-19 pandemic ruang ah kan riantuannak le phaisa tawrelnak kan dorh khawhnak ding ca ah tiah kan khar chung” tiah an thawngthanh ah an tial. Hi hotel ah rian a tuan tu hna cu thlakua an khar chung ah hlawhcheu le ngandamnak ca ah timhtuah piak kan timh hna tiah an chim.
Sule Shangri-La hotel hi 1996 ahkhan an rak hun i, kha lio ah Traders Hotel ti a si. Hi Hotel hi khandal 466 a ngei mi a si. 2014 kum ahkhan Shangri-La hotel tiah an tharchuah i, Sule laifang ah a dir mi a si. Shangri-La hotel hi 1996 in 1999 tiang Kawlram ah a sang bik inn a rak si.
Shangri-La group ti mi hi South East Asia ram kip ah Hotel le resort a tuah mi phu an si i, Hong Kong chawlet mirum Robert Kuok in 1971 ah a rak dirh mi a si.
Source: Myanmar Times
