Yangon khuapi Mayangone peng Min Dhama lampi a or mi Kawl ramkomh Khamsii chiahnak kudawng ah nau inn cancer khamsii an chiah mi cu minung 6 nih an fir i an zuar ca ah tlaih an si tiah theih a si.
Thil a can ning cu Mayagone peng sangtthen 3 nak Min Dhama lampi or ah a um mi National Rehabilitation Hospital chung um khamsii chiahnak kudawng in an fir hi a si. Hi khamsii pawl hi Kikkhan dal chung ah chiah an si i, an firnak hi tikhal kuang number BC-2 ah a si tiah theih a si. Hi khamsii pawl hi ramkulh le ramthen um siizung pawl ah kuat ding in chiah mi an si i, pakhat hmanh an kua rih lo ti a si.
Hi minung 6 nih an fir mi hi khamsii dur 5810 le Thinphin aihre B khamsii lung 700 an fir ti a si. A phaisa man in sing 460 man a si tiah cozah lei nih an thanh.
Hi sii pawl hi ramchung ah zuar rih lo mi an si i, cozah nih sii a tlau thawk in hlathlainak an tuah hnu ah hi sii a zuar mi hna sin in an dothlat hnu ah minung 6 hi an tlaih khawh hna nak a si tiah theih as i.
Source: Eleven Media
