CBN News, 13 Jan 2020 : US President thar caah Joe Biden cohlan a si hlan ah Washington DC ah buainak a chuak kho tiah nawlngeitu hna nih an chim hnu ah President Trump nih Washington DC ah Emergency thanh ding hnatlaknak a ngei i nizan date 12 Jan 2021 ah khan Emergency thanh colh a si.
January 6 i Trump ttanhtu hna nih US Capitol building an rak luh hnawh i buainak an rak chuahpi ruangah khan khawpi chungah state of Emergency thanh dingi timh lamhnak an ngeih hi a si.
January 20 ah US President thar cohlannak ngeih ding a si ruangah Washington DC lawng silo in State dang dang ah buainak a chuak kho tiah Federal Bureau Investigation (FBI) nih thanh caa an rak chuah cang.
Buainak chuahpitu ah ‘Antifa’ puh an si.
US Capitol Building luh hnawh i buainak chuahpitu ah President Trump nih Antifa bu le minung hna a puh. Antifa hi Anti-fascist chimnak a si i Antifa member hna hi cuhlan zong ah far-right group hna he buainak an rak ngei tawn.
George Floyd thah asi ruangi ramchung hmun dangdang ah buainak a rak chuah i duhlonak langhternak lamzawh a rak si lio ah khan President Trump nih Antifa hi ralhrang ‘terrorist‘ bu ah thanh ding ah warning a rak pek cang hna.
CBN News
