Ram pumpi huap in hlasakthiam minthang Chin Arfi David Lai cu COVID-19 zawtnak thlawpbul nak le khamhnak ca ah tiah pumpek in Waibargi siizung pi ah zarhthum chung Volunteer rian a tuan. Hi kong he pehtlai in Irrawady Lifestyle nih biahalnak an tuah i, mi tampi David Lai an uannak kong tampi an chim cio.
“Ka nunnak cheuchum ah hlawhtlinnak ka hmuh hna. Tahchunhnak ah tanghra hlawhtlinnak, ka hlasaknak lei ah hlawhtlinnak an si. Philh khawh lomi thil ah an cang hna. Cu nakin kai lunghmuih deuh mi cu midang ca ah thilrit a si mi, retheihnak hna i hrawm in Volunteer rian tuan hi philh lo awk thil an si deuh” tiah a chim.
“Hi kumkhua tiang zeitik hmanh ah theih bal lomi ngandamnak theihtlei tete siseh, kai hruk bal lomi PPE kai ah siseh, hi pawl nih hmuhton tampi a ka pek. COVID-19 a chuahka first wave lio te khan volunteer rian rak ttuan ka duh ko. Asinain, kha lio ah cutluk in zualhma a rak si lo ruang ah ka rak i tel lo” tiah David Lai nih a chim.
Hlasakthiam David Lai hi a mah pumpak i teltumnak in midang ca ah riantuan a zuam ngaingai mi a si. 2019 lio zong ahkhan Paletwa ralzaam hna ca ah tiin Yangon khuachung hmunkip ah phaisa kuang hung in hlasak le fund kawlnak a rak tuahmi a si. Tutan zong ah COVID-19 thlopbul nak taktak a si mi Yangon khua Waibargi siizungpi ah volunteer zarhthum aa pe.
Source: Irrawady Lifestyle
