A tulio Australia ram Victoria ramkulh ah nikhua chia ttotho a phak ruang ah Victoria ramkulh chung ah cuap der mi le thawchuah ai harh mi paohpaoh cu innchung ah umziar dingin ralrinnak pek an si.
Hi ttotho hi Victoria South West lei ah fak ngai in tlak aa zal tiah khuacaan lei zung nih an thanh. Chief Health Officer Brett Sutton zong nih ralrin peknak bia a chim i, ngandamnak zung le zualral (emergency service) nih tthep lo in kan zoh lio a si ko tiah a chimchih.
Khuhhring (asthma) zawtnak a ngei mi hna nih innchung ah um ziar ding in DHHS nih ralrin peknak an thanh.
Tutan Victoria ah ttotho a tlun hi thli fak ngaingai in aa tel ruang ah thawchuah ai harh mi hna ca ah thihnak tiang a chuahpi khawh tiah DHHS ralrin peknak chung ah an telh chih.
Source: 7news
