Victoria ramkulh Premier Daniel Andrews nih zarhpi Ni ahhin Victoria ramkulh chung COVID-19 zulhphung ah ai thleng mi an um kho tiah a chim cang. Hi chung ah ruahchan bik mi cu business tuahmi hna ca ah ruahchannak zeimawzat aa tel lai.
COVID-19 phunglam thlahdorh nak hi leng ah mibu ton khawhnak (social outdoor activities) ah tihnung a tlawm bik dingin thlahdorh ding ah timh dawh a si. Innchung (indoor) kong cu chim a si lo.
COVID-19 Phunglam Thlahdorhnak ca ah a dotthumnak (Third Step) chung ah cozah thiltimh mi cu a tanglei bang hin an si telai.
Mibu/hawikomhnak/lengchuah (Social)
Lengchuah tikah rengh (restriction) a um ti lailo. Lengchuah tikah 5km tiang timi kha 20km a si te kho. Lengchuah tikah a konglam hal zong um dawh a si ti lo. Mibu ser (public gathering) cu minung 10 tiang onh a si kho men.
Inn ah i lenkai tikah voikhat ah innkhat ah minung 5 tiang i lenkai khawh a si telai. Innchung ah i lenkai kong hi cu rengh a si pah ko rih kho.
chawlettu Pawl Ca ah (Business)
Retail zuartu pawl nih an thilzuar nak an hun khawh cang. Sam mehnak, tamhnak dawr pawl zong an dawr an hun khawh cang lai. Asinain, mask i bunh a si lai. Dawr tuah tu pawl ca ah takeaway (parcel) lawng in onh a si lai.
Puai tuah/Ruak thlah/pumh
Thitumh puai ah minung 10 tiang zawh khawh a si telai. Asinain, leng ah tuah ding si dawh a si. Ruakhumh le thlah cu minung 20 tiang tel khawh a si te kho. Pumhkhawmh zong minung 10 tiang a si kho bik.
Source: the age
