Australia ram Victoria ramkulh ah COVID-19 mizaw thar an hmuh mi minung pasarih an si i, suimilam 24 chung ah mithi panga an karh tiah thawng kan theih. A tu zawtnak thar an hmuh mi hi regional Victoria a simi Shepparton ah minung pathum an i tel.
DHHS testing commander Jeroen Wemar nih cun, “Goulburn Valley Health nih zohkhenh mi zawthar kan ngei. Mizaw he ai pehtlai mi zulhdawi cuahmah an si. A dang zong hmuh rih ding ah kan ruah” tiah a chim.
Goulburn Valley Health chief executive Matt Sharp zong nizaan zaanlei ahkhan cathanh a chuah i, Shepparton mizaw thar pawl hi Chadstone Shopping center in ai pehtlai mi an si tiah a thanh chih.
Relchap: Victoria Ramkulh Ah COVID-19 Mizaw 12 An Karh, Mithi Pakhat Aa Chap
