A tulio vawleicung chawlehthalnak lei ah biahalnak a hung chuak thar mi cu Jack Ma khoi ah a um ti a si.
Vawleicung mirum mintharng Jack Ma cu a ngeih mi Ant Group ti mi kha US phaisa nuai 3700 man IPO (Initial public offering) si ding ah a thanh lai te ah Tuluk cozah he buainak an tong ti a si.
Kan hnu October thla ahkhan Shanghai khua ah a um mi Forum pakhat ah Jack Ma cu bia a chim pah ah Tuluk cozah soiselnak bia a rak chim. Hi soiselnak a chim mi hi Tuluk cozah nih chawlehnak kong ah dingrep an ngeih lonak kong ah a soisel hna nak a si ti a si.
Jack Ma nih cun rampi ca ah zawnruahnak in ka chim mi a si tiah a rak chim. A tulio ah Jack Ma dirh mi Company Alibaba hi Tuluk cozah nih lunghrinhnak he an chekhlai cuamah lio zong a si fawn ti a si.
A fiang ngai mi cu caan khat lio Tuluk ram GDP a rak thawnter tu pasal tiah rak kawh mi Jack Ma cu Tuluk cozah nih an huat ngai cang ti khawh a si.
Kan hnu October thla ahkhan TV Show pakhat ah announcer pakhat sinak in a rak lang nain a hnu ah cun midang nih an thlen i cu hnu cu Jack Ma a lang ti lo ti a si. Nihin ah Alibaba shares zong 2.15% tluk a zor ti a si.
Source: CNN
