Vawleicung ram 35 ah milu nuai 15 (sing 150) nih COVID khamsii an i chun cang tiah Bloomberg nih a thanh.
US ram ah cun Dec. 14 khan COVID khamsii chunhnak an thawk i, ngandamnak riantuantu hna he fonh in minung nuai 5.05 chunh an si cang tiah theih a si. US ram ah chunh mi COVID khamsii hna hi Pfizer le Moderna khamsii hna an si. January thla dih hlan ah US ramchung ah COVID khamsii nuai 20 chunh khawh ding ah an zuam cuahmah tiah theih a si.
A tulio vawleicung ah chunh tambik COVID khamsii hi Pfizer khamsii a si. Ram 35 tiang a phan cang ti a si.
Dec. 30 ahkhan UK ram ah Oxford chuah mi AstraZeneca zong an cohlan cang i, chunh hran an thawk cuahmah cang tiah theih a si. Tuluk ram zong ah Sinopharm COVID khamsii cu an cohlan cang i, February thla dih hlan ah nuai 50 chunh khawh ding in an timh ti a si.
Source: Bloomberg
