Vawleicung huap in electric thilri le IT fimthiamnak ah hmaisuang bik a si mi Apple Company nih electric mawtaw chuah ding in ai tim ve cang ti a si. Hihi vawleicung amwtaw chan a thleng kho tu a si ko lai tiah mi tampi nih an zumh.
Apple company nih chunmang thar ai hmaithlak ding mi hi an hlawh a tlin ahcun vawleicung ah mawtaw in chawlehthalnak tampi ai thleng lai tiah an chim.
2020 kum donghlei ahkhan vawleicung minthang thawnzamh Reuters le Taiwan thawngzamh cheukhat hna nih Apple company hi mawtaw a ser khawh men tiah an thanh. Cu cangka in US le Tuluk stock cu cunglei ah ai khawt ngai ti a si.
Apple nih electric mawtaw a chuah lai timi thawng a chuah cangka in vawleicung phaisa hramthla tu company pawl zong US le Tuluk stock an caw colh ti a si. Tahchunhnak ah Electric mawtaw i a mit tiah ruah a si mi Ceunak a kawltu sensor company Veloyne Lidar hna ah stock cawtu an karh ti a si.
Tuluk ram zong ah electric mawtaw ca ah a thazaang a si mi battery le a dang thilri pawl a chuahtu vawleicung company nganbik Contemporary Amperex Technology ah phaisa hram thlatu an karh ngaingai ti a si.
Apple Company hi Electric kong ah an thiamnak a san ngaingai ruang ah Europe ram mawtaw thilri serchuah tu pawl zong electric mawtaw thilri serchuah ding ah an lung a chuak deuh cang ti a si.
Apple mawtaw chuah ding mi hi an zumh ning ah smart phone he pehtlaih in hman khawh ding in design an suai lai tiah an chim. Cu ca ah vawleicung mawtaw serchuahnak le mawtaw chan hi a hung i let telai i, electric mawtaw nih chanthar a hun thlen cang lai tiah fimthiam hna nih an ruahdamh.
Source: Mizzima
