Vawleicung Raipi COVID-19 zawtnak in a zaw mi dihlak cu December 11 chun suimilam 12:00 pm tiang nuai 70 an phan cang tiah theih a si.
Vawleicung ram 218 le territories pawl ahhin COVID-19 chawnhbarhnak a um i, Myanmar ramkomh zong hi cu chung ah mizaw 104,000 an um ve cang.
A tulio vawleicung ah COVID-19 zawtnak in mithi nuai 1.5 leng kai an thi cang. Myanmar ramkomh ah cun mithi 2000 lengkai an si cang tiah Worldometer nih a langhter.
Vawleicung COVID-19 zawtnak ai chawnhbarh bik le a zual bik cu US ram a si i, US ram pakhat lawng ah nuai 16 leng nih zawtnak an i chawnhbarh i minung sing 3 deng an thi cang. A hun chang tu ah India a si i, minung 9.7 leng nih an i chawnhbarh. India ram ah COVID mithi sing khat le cheu tluk deng an si cang tiah theih a si.
COVID-19 mizaw a tambik a pathumnak ah Brazil ram a si i, minung nuai 6.5 leng nih zawtnak an i chawnh. Hi ram thum hna hi a tulio vawleicung ah COVID-19 mizaw an chah biknak ram hna an si.
COVID-19 zawtnak a rak i thawknak Tuluk ram ah cun zawtnak ai chawnhbarh mi minung 86,688 an si i, minung 4000 lengkai an thi. Asinain, naihrawng ah Tuluk ram ah zawtnak ai chawnhbarh mi an um lo i, vawleicung COVID ai chawnhbarh bik ram 78 nak ah a um lio a si.
Source: Worldometer
