Khuasik chuah le i kholh hi vawleicung ah huam cio lomi rian pakhat ah ai chuah. Cheukhat cu nithum dan ah maw, a tlawmbik zarh chuah tal ahcun i kholh a si theo. Asinain, a tu a kong kan tial ding mi pa hi cu kum hrabu paruk leng bakte i kholh loin khua a sa ko.
Iran ram Kermanshah timi ramkulh i Dejgah timi khua ah a um mi pa Amou Haji timi pa hi kum 87 a si cang nain, kum 67 khengte bak i kholh loin a um kho ti a si. A pum hi riim le caak nih a tuam dih.
Zeiruang ah dah hi mipa hi ai kholh hnga lo?
Amou Haji timi pa hi ti a ttih taktak mi a si an ti. Kai kholh ahcun ka zaw lai tiah kholh lo bak tein kum hrabu paruk leng a nung ve ko.
Amou Haji hi a rawl ei mi ah sava a thi mi a em i a ei ti a si. Kuakpihrum a zu taktak fawn ti a si. A kuak zuk mi hoi hna hi khuhsi siloin satil le saram ekcar a si ee ti a si.
Iran ram i Tehran Times timi thawngzamh nih ai kholh bal lomi pa Amou kong hi a tial bal. A kumkhua no lio tein hawi sin ah um duh loin a mah telawng a um ti a si. Lungkua thingkua le dornak a umnak paoh ah khua a si ee ti a si.
Amou hi nikhat ah ti litre panga cu a ding lengmang ti a si. A sam hoi hna hi tha te meh loin riam a duh paoh ah mei in a khangh ti a si.
Mi hawi sin ah khuasa loin, ti ttih ruang ah kum 67 chung i kholh lo tein khua a nung ve ko.
Source: India Times
