US President thimnak ah a hodah teitu taktak a si timi cu nihin tiang fianter le fehter taktak loin a um rih. Vote dikcak lo a um timi ruang ah a tutiang vote thlatu hna kong cu biatak ngai in hlathlai le vote relthan a si.
President Donald Trump thapetu hna nih cun US ramchung ah vote petu hna hi a thi ciami min in pek mi vote an si tiah an chim. Mithi cia a thongthong min in vote deu ai thla tiah duhlonak an langhter. Cu kong he pehtlai in a dik mi zong a um i a dik lomi zong an hmuh ve thiamthiam.
Hi mithi pawl min 10,000 in vote ai thla timi hi Trump thapetu hna nih Twitter ah ca an post hnu ah thawngpang nih vawlei a cul. Hi minung thonghra chung ah hin a thi mi zong an um ve taktak i a nungmi zong an um ve thiamthiam. Minung thonghra hna cu an min, zip code le vote an thlak ni, an chuah ni le an thih ni…tbk in hlathlainak an tuah mi ah an langhter.
Hi mi thonghra chung ah mi cheukhat cu a luancia kum 50 hrawng ah a rak thi cang mi zong an um tiah an langhter. Asinain, Journalist hna nih hlathlai taktak in an pehtlaih hna tikah an nun ko nak le Biden an vote nak kong an chim.
Soure: BBC
