Tukum 2020 US President thiamnak ah Democratic Party lei nih zuamcawh tu Joe Biden nih tukum US thimnak kong he pehtlai in teinak hmuh ding ah kutpi nam tete in ka naih lengmang ca ah zumhngamnak ka ngei chin lengmang tiah a chim.
A tulio US President thimnak ah Democratic lei in Joe Biden le Republicans lei in Donald Trump hna nih electoral votes an hmuh mi cu nikhat ah fiang kho colh loin result aa taptang. Zuamcawh tu Democrats lei in Joe Biden nih teinak hmuhnak ding ca ah 270 electoral vote 253 a hmuh cang.
Tukum thimnak ah zuamcawhnak a fah ngaingai nak hmun pawl a si mi battlegrounds states an ti mi Georgia, Nevada, Pennsylvania le Arizona hna zong ah Joe Biden nih a tei cuahmah lio a si tiah theih a si.
Biden nih teinak a hmuh cang tiah thanh a si ahcun January thla ah Trump nih White House chuahtak in a ttum ve canglai.
Joe Biden nih tutan thimnak ahhin, “300 Electoral College votes cu hmuh ding in zumhnak kan ngei” tiah a chim fawn. 2020 US ram President thimnak phichuak fehter a si ahcun Biden cu US thimnak tuanbia a tambik Vote ngahtu zong a si telai. 74 million lengkai in thimfung an pek lai.
US ram Zarhteni ahhin cun teinak thanh khawh ding ah ruah a si. A tutiang sining ah cun US ram ah President a tuan cuahmah mi Donald Trump cu Joe Biden nih a tei cuahmah lio a si. Asinain, thimnak phichuak cu a fiang taktak rih lo.
Source: BBC
