Nihin vawleicung ah COVID-19 zawtnak in a tambik mizaw a ngei mi US ram cu December 20 (Zarhpi Ni) nikhat chung telawng ah minung 189,000 nih zawtnak an i chawnh.
Johns Hopkins University thanh ning bantukin US ram ah nikhat telawng ah COVID rai ai chawnh mi dihlak minung 189,000 an phan. Nihin tiang US ramchung ah COVID mizaw 17,844,690 an phan cang i, mithi 317,668 an phan tiah theih a si.
US ram ngandamnak le zawt ralvennak a si mi US Centers for Disease Control and Prevention Vaccine nih atulio US ramchung ah COVID khamsii 2,838,225 cu kan zamh cang tiah an thanh.
A tulio US ram ah COVID zawtrai fak ngaingai in a karh than ti khawh a si. Kan hnu Cawnninga ahkhan US ram ah COVID zawtrai tambik record thar a chuak. US ram ahhin US khamsii Company pahnih hna cu an chuak i, Pfizer le Moderna hna an si. Zualral (Emergency) ca ah tiin Moderna cu US cozah nih hman ding ah a fehter cang.
Source: CNN
