US nih Ukraine ralkap sinah hriamnam a bawmh lengmang mi nih hin Russia ram cu nuclear hmang ding in a ngiar bia a si, tiah Belarus President nih a chim.
Russia President Putin hawikom a si mi Belarus President Alexander Lukashenko nih cun US le a hawile ram hna nih Ukraine an bawmh mi nihhin buainak daihter loin buainak a linhsat ter lehlam tiah a thangchiat hna.
US nih Ukraine hriamnam a bawmh lengmang mi nih hin Russia ram cu ttih a nungbik mi Nuclear hriamnam hmang kho ding in caantha a ser piak tiah a chim.
Belarus cu Russia nih thahrum hmang in Ukraine lak a timh mi a cohlangtu a si hlei ah Russia ralkap pawl zong a ram ah luhter riangmang in Ukraine a dohter tu ram a si.
US nih Kilometer 300 renglo a kap kho tu missile Ukraine a bawmhmi nih Russia ramchung a kah ahcun Moscow zong nih ai chiah ziar ko mi nuclear hmang loin a um lai ka zum lo, cu ti siloin ai chiah sawh ko ahcun a nuclear ngeih man zeihmanh san a tlai hnga lo tiah a chim chap.
