US Nih Europe Ah Ralkap 7000 A Kuat Lai
Russia nih Ukraine a tuk thaizing ah US nihcun a hawikom simi Europe ram hna ah ralkap 7000 kuat ding in biachahnak tuah colh ve.
US President Biden nih ralkap 7000 hna cu Germany ram ah kuat an si lai i Germany ram an phanh hnu ah a dang Europe ram hna ah an vau tthencheu te lai tiah theih asi.
Russia ral hi Europe i NATO chungtel ram hna caah security challenge pakhat bantuk a si i thil umtuning zoh in Europe ah US ralkap thlah ding timi cu tukum thok te khan rak ceihkhan ciami a si cang tiah US ralbawi ngan pakhat nih a chim.
Europe kalding ralkap a tam deuh cu raktuknak tank hmang in tanglei ral a domi tanglei ralkap an si hna tiah theih a si i Germany ram cu raulo ah an phan colhblai tiah rmUS ralbawi minlanghter duh lomi nih a chim.
US ralkap Europe an kal hlan ah President Biden nih a va ton hna lai i biachinnak zong a ngeih hna lai tiah theih asi.
