US ram ah sii-ai eidin nawlngeitu Food and Drug Administration (FDA) nih COVID khamsii Moderna cu COVID khamnak hman awk ah a fehter cang. Hihi US ram ah a pahnihnak COVID khamsii an fehter a si lai.
Relchap: US Nih Pfizer Cu Zualral Hman Ding Khamsii Ca ah Lungtlinnak A Tuah Cang
US ram nih Moderna hi voi nuai 200 chunh cu a cawk cang i, a rauh hlan ah Moderna zong US ram ah chunh hram an thawk cang lai. Cu chung ah nuai 6 cu kuatchanh dingah ready a si cang tiah theih a si.
Johns Hopkins University thanh ning bantukin US ram hi vawleicung ah COVID zawtnak a tuar bik ram an si i, minung sing thum leng an thih cang leng ah 17.5 million an zaw cuahmah lio ah theih asi.
Moderna Khamsii hi kan hnu an chim ning ah 94% cu zawtnak a kham ti a si. FDA nih lungtlinnak an tuah lio zong ah upa minung 20 nih vote an thlak i an dihlak tein fehter ding ah an lung a tling dih.
Nihin vawleicung ah minthang bik le hmaisuang bik COVID khamsii hna cu US ram chuak an hung si i, US ramchung lawng siloin vawleicung ramkip nih ah chunh hram an thawk cuahmah lio a si.
Khamsii kong ah relchap khawh awk:
COVID Khamsii Ciocio Zeidah An I Dannak?
Tuluk Chuak COVID-19 Khamsii Zeidah A Lawh Lai
Sourrce: BBC
