CBN News, 16 Jan 2021 : Hmaizarh i US president zung tthu ding President elected Joe Biden nih US ramchung chawleh kawlhawlnak Covid-19 nih a hrawh ruangi mipi harnak bawmhchanh nakding Economic relief package $1.9 trillion chuah ding in a thanh.
Joe Biden nih package a thanhmi hi Congress nih a cohlan ah cun US ramchung chungkhar kip sin ah phawt a silai i dollars $1 trillion hi American minung vialte nih $1,400 cio hrawng ting kho ding ah ruah a si.
$415 billion cu Covid-19 dohnak caah hman a silai i $440 billion cu small business caah hman a silai.
Joe Biden nih hin President i thimnak campaign a ngeihnak ah American minung 385,000 nunnak liamtertu Virus tei aa kam i Covid-19 dohnak ah Donald Trump nak fakin riantuan aa rak kam cang.
Economic relief package $1.9 trillion chuahnak ding kong hi Joe Biden nih an khua Wilmington, Delaware ah a chim i a rannak in rian hma domh a herhnak a chim.
CBN News
