Myanmar ramkong ah UN Human Right Palai simi Tom Andrew cu December 13 ah  Bangladesh ram i ummi Rohingya ralzaam camp tlawn ah ai thawh.

”Miphun cihmih in thahnawn a tongmi Rohingya 1 million tluk cu an nun himnak ding caah Myanmar ram in an zaammi hi Vawlei pi nih philh awk a tthalo, An innlo teah him tein le limhang ngei tein um an duh ve” tiah Tom Andrew nihcun a chim.

Tom Andrew cu Bangladesh ram an khualipi Delkata khua a phanh hnu in Cox’s Bazar ah a ummi ralzaam le Nai teah Rohingya pawl an vai tthialnak Bhasan tikulh zong ah a va kal lai.

‘Tutan Rohingya ralzaam a tlawnnak cu December 19 tiang khi a rau lai i Bangladesh khuapi Delkata khua zong ah press Conference a tuah lai, Tutan khual a tlawnnak i a va hmuhmi vialte cu 2022 March thla ah tuah dingmi ” UN Human Rights Council ” ah a chuahpi lai.

Tom Andrew nihcun ” Kawl ralkap thil tuahmi vialte hi Vawleipi nih kan hmuh i kan philhlo pin ah kan zoh sawh lailo ”tiah a chim.

#VOA