UNO Security council ah a tulio ah a cang cuahmah mi Burma ramkomh ralkap uknak laknak kong cu kutka hrenhkhumh in an caih lai tiah theih a si.
Nihin 2021 February 2 ah cun nizaan February 1 ah a cang mi Burma ramkomh ah ralkap nih uknak an lak mi kong he pehtlai in UN Security Council ah kutka hrenhkhumh in an caih ve lai tiah theih a si. Tutan ah UN Security Council hruainak presidency a tuan mi hi UK ram an si.
Tutan meeting an tuah ding mi hi zualral thawng ruang ah an tuah mi lakhruak meeting a si lai. Security Council ram pawl cu UN thawng a thanh hna i, Un Security Council ah Uk ai-awhtu Barbara Woodward nih, ” ram mipi nih an duh mi hruainak upat piak nak ding ca ah tiah kan caih lai” tiah a chim.
UN spokesman Stephane Dujarric zong nih, “a biapi mi cu vawleipi nih awkhat ngei in Burma ramkomh ca ah bia kan chim hi a si” tiah a chim.
UN Security Council nih bia a chah ning le an caih taktak ding hi langhter a si lo, meeting a dih tikah thanh tekhawh a si.
Source: BBC
