Ukraine Buainak Bantuk In Myanmar Kong Zong Kan Buaipi Awk Asi: Tom Andrews

Ukraine Buainak Bantuk In Myanmar Kong Zong Kan Buaipi Awk Asi: Tom Andrews

Ukraine buainak kong ah Vawleicung ramkip nih hmakhat te ah a faktukmi phihkharnak tuah a si bang Myanmar kong zong ah tuah a herh ve tiah UN Human Rights Special Envoy nih a chim.

March 21 , Geneva ah tuahmi UN Human Rights Council sin ah chuahpi mi Myanmar ram Human Rights dirhmun kong langhternak ca ah Myanmar kongkau ah UN Human Rights Palai Tom Andrews nih a chim tiah VOA nih a langhter.

Ralhrang nih uknak an lak kumkhat luan hnu tiang ah UN nih meeting tuah le cathanh chuah hrawnghrang lawng a ummi Ralhrang pawl dantatnak tuah ding in biakhiahmi a um rihlo tiah Tom Andrews nihcun a chim. Cu caah Myanmar mipi hna nih UN cathanh chuahmi pawl cu an zum kho tilo caah a tak tuahsernak cu lungsau in an ngah tiah a chim.

Myanmar ralhrang pawl cu nitin in an tuahmi sualnak in dantat dingmi an luat i, hiti nitin in thahmawnnak an tuahmi hi timh ciammam tein an tuahmi si tiah a chim chih.