UK ram ah COVID khamsii an chunh hmasabik nih ah chunh a tong mi minung pahnih takpum ah sii ai ngaih lo mi minung sining an hmuh hna tiah theih asi.
A Pakhatnak COVID Khamsii UK Ram Ah An Chunh Cang
UK ram cu vawleicung ah a hmasabik Pfizer COVID khamsii chunh hram an thawk cang. Asinain, khansii chunh a tong mi minung pahnih hna cu sii i ziak loin an tak a phar (ellergic) ruang ah sii lei thiamsang hna nih allergic a ngei mi paoh cu chunh lo ding ah thawngthanhnak a tuah.
UK ram ah ngandamnak zung NHS le a dangdang ngandamnak lei thiamsang hna nih a tu UK ah a cang mi COVID khamsii Pfizer kong hi linsa ngai in an chim colh. Hi sii chunh tikah takpum ah sii i ziak lonak muisam a cuan mi kong he sii thiamsang hna nih cun anaphylaxis a si tiah an chim.
Anaphylaxis timi cu siichunh tikah takpum chung imunne system nih aa ziak lo i, taksa le hngawng hrawng ah a bo mi an chuak. Cu leng ah thawchuah har le cildolh har zong a chuak ti a si. Allergic zualhma deuh hna ca ah cun nunnak ca ah harsatnak a pek khawh ti zong an chim fawn.
A hodah Khamsii Chunh Lo Ding?
UK ram ah hi bantukin Pfizer khamsii kong he thawng a chuah tikah siilei thiamsang hna nih cun sii ziak lo a ngei mi, eidin ah ziak lo a ngei mi hna cu khamsii chunh awk an si lo tiah an chim. Asinain, eidin ah ziak lo a ngei mi hna ca ah cun a poi lailo tiah an rak chim than.
COVID Khamsii Ciocio Zeidah An I Dannak?
Nizaan nithum ni tu ahcun sii lei ah Anaphylaxis a ngei mi paohpaoh cu Pfizer khamsii chunh lo ding an si tiah thanhnak a tuah.
US ram ahcun Pfizer hi a rauh hlan ah Emergency in COVID khamsii chunh ding ah nawlpeknak an tuah khawh tiah ruah a si. Asinain, US sii lei thiamsang hna nih cun allergic a ngei mi hna nih hi khamsii an i ziak lo mi kong hi ruah ngai a hau lai tiah an chim.
Allergic zualhma a ngei mi hna ca ah zeitindah thil sining a si timi hlathlainak taktak a um hlan poah cu hi khamsii hi chunh awk a si lo ti zong ah ralrin peknak an tuah fawn.
Source: BBC
