CNLD Party nih rampi cozah ngeihmi TV in ram mipi sinah mee pek sawmnak tuah ding a si i, hi tuahnak ahhin CNLD nih an chim dingmi Policy cu UEC nih an ciktan piak hna ruangah CNLD nih TV biachimnak ah kan i tel lailo tiah thanhnak an chuah.
CNLD nih Policy ai chiahmi chung ah Dal VIII (i), (ii), (iii) le (iv) hna cu an remh ding le hlonh ding ah UEC nih September (19) ah ca a kuat hna. Cu ruangah CNLD nih rampi TV biachimnak in kan i tel lailo tiah an thanh ve nak a si tiah theih a si.
CNLD Party lawng siloin People’s Party le Arakan National Party hna zong nih TV in an chim dingmi hna chungin an duh lomi ciktan piak an tong. Cu ruangah a cheukhat cu Rampi TV nih mipi sin mee halnak tuah lo ding in an i leet hna.
UEC nih hin September 8 thawng in November 6 tiang a changchang in ramkhel party hna nih mipi sin mee halnak thawngthanh ding ah an tuah cuahmah mi a si. UEC sin ah hibantuk ciktan nak kong he pehtlai in hal an si nain, nihin tiang pehtlah le fianternak an tuah lo.
Source: RFA
