Atulio Myanmar ramkomh ah 2020 thimnak kong he pehtlai in USDP le Tatmadaw nih meefung firnak a um tiah an chim lengmang mi cung ah thawngfianhnak a tuah ve cang. A herh ahcun biatung dirhtu hna le UEC he hmaitonh in mee catlap cheknak kan tuah lai tiah an chim.
Thimnak a dik lo tiah duhlonak ca cu UEC ah tampi a phan cang i, mee thlatu hna nih ningcang loin an meefung a um mi kong he pehtlai in UEC ah ca an chiah mi 287 a si cang tiah theih a si. Hi chung ah mipi lei in pumpak duhlonak ca chiah mi 94 le Hluttaw palai hna sin in 193 an si tiah an thanh.
2010 kum rampi thimnak le 2015 thimnak zong ah thimnak thimfung tlamtlin lonak a rak um ko. 2020 zong ah tlamtlin lonak a um ko nain mee firnak cu a um lo tiah UEC nih an thanh.
Tutan UEC cathanh ah Tatmadaw lei nih ramchung ah thimfung dik lonak a chuak kho ding mi nuai 8 a um an ti mi zong an telh chih. “Rampi uknak cu ram mi sin in a ra timi rampi phunghram taktak bantukin ram mipi nih an thim mi thimfung cu mizei mibu le minung hmanh nih remh le thlen khawh a si lo tiah an thanh chih.
UEC biakhiahnak duh lo ahcun UEC duhlonak tha tein chuahpi hnu ah phung ningin UEC zong chekhlatnak ngeih ding a si lai tiah UEC lei nih thanhca an chuah.
Source: Mizzima
