Thongzaam sinak in tlaih a simi UDP Party Chairman U Kyaw Myint cu a tulio ah a kongcaihnak case pin ah a sining hlai tthan mi cu Black Money kong a si. Phaisa kong he pehtlai in phung a buar ca ah biacaihnak case sanhpiak a si men lai tiah VOA News nih a phuan.
Hninsi party tiah theih a si imi UDP party Chairman kong he pehtlai in Nizaan (October 15) ahkhan President zung chimrelnak nawlngeitu U Zaw Htay nih U Kyaw Myint hi phungning loin phaisa luhchuahnak a tuah mi kan hmuh cang tiah a chim.
2015 kum ah Tuluk ram ah phaisa 16.325 Billion kyats hi phungning loin a ngah mi a si tiah an chim. Pumpak phaisa ah thanh chih mi lengin phaisa hman hi 2014 ah remh mi phung ning in thong kum 10 asiloah phaisa, asiloah a pahnih in biakhiah piak khawh a si tiah theih a si.
Cu pin ah U Kyaw Myint nih Central Bank nawlpeknak um loin a party chungtel pawl phaisa a cawih mi hna hi phaisa phunglam he aa kalh fawn ti a si. A tulio ah U Kyaw Myint cu biacaih cuahmah a si cang i, phungbuar nak dalpi 224 thongzaam case in Mandalay ramtthen Obo thonginn ah hren a si.
Source: VOA News
