Myanmar ramkomh ah 2010-15 tiang President rian a rak ttuan mi President U Thein Sein a inn address in tukum thimnak ah mee petu ding cazin milu 184 a chuak tiah theih a si.
President hlun U Thein Sein inn hi Naypyidaw khualipi inn No.A(4) a si i, cu inn address cun minung 184 nih mee pek dingin min an pek ti a si. Hi inn hi President hlun le USDP hruaitu minung 6 hna an umnak hmun a si. Micheu nih Chauk-Lone-Tan tiah an kawh mi a si.
General hlun pawl an umnak Chauk-Lone-Tan inn timi hi Naypyidaw Pobathiri peng Nyiangpyinkyi khuate Ohsuh Meezung 2 ah a ummi a si. Hi khua mi pawl nih hin an address ttial i palh in President U Thein Sein inn address in an ttial ruangah a si tiah theih a si.
Naypyidaw khuapi Nyiangpyinkyi khuate Ohsuh Meezung 2 chungum Chauk-Lone-Tan ahhin former Senior General Than Shwe (A-1) inn in minung 18, former Deputy sernior General U Maung Aye (A-2) inn in minung 6, Former General Thura Shweman (A-3) inn in minung 23, Former General Thihatura Tin Aung Myint Oo (A-5) inn in minung 11 le a dang Deputy general U Tin Aye (A-6) inn in minung 5 hna hi Naypyidaw khualipi ah general hlun pawl inn in mee petu ding hna an si tiah theih a si.
Source” Myanmar Now
