Myanmar ramkomh mipi nih COVID khamsii an ngah khawh cio nak hnga ca ah tiah Myanmar Apex Bank, Eden Group, Denko le Gold Delta a ngeitu a si mi mirum U Chit Khaing nih $1.5 million a hlut tiah theih a si.
Nizaan January 5 kha U Chit Khaing a chuah camtuak a si i, chuahcam lawmhnak le pekchanhnak ca ah US Dollar 1.5 million ka hlut hi a si tiah a langhter. A mah hi kawlram mirum bak tiah ruah a si i, US$3.2 billion hrawng a ngei lai tiah zumh a si.
National-Level Central Committee on Prevention, Control and Treatment nih hin December 30 ahkhan ram mipi nih COVID khamsii ngah khawnak ding ca ah tiah fund kawl hram an thawk.
fund kawlnak ahhin ramchung ramleng in pe chan tu minung hna nih an pekchanh khawh nak hnga tiah Myanmar Economic Bank ah US dollar 250 million deposit he pekchanhnak bank kuang a hun i, a pakhat nak bik ah U Chit Khaing nih a pekchanh hi a si tiah theih a si.
Cu leng ah AYA Bank ngeitu U Zaw Zaw zong nih kan ram ah COVID khamsii ngah khawhnak ding ah kan ti khawh tawk in kan i zuam lai tiah a rak chim.
Myannar ramkomh chung ah COVID khamsii cawknak le chunhnak fund ca ah pekchanh a duh mi hna nih cun ramdang phaisa pekchanhnak ca ah (EDC 600012) le ramchung phaisa kyat in pek a duh mi hna nih (OA 013733) ah pekchanh khawh a si tiah thanh a si.
