Nihin October 08 zinglei suimilam 9:00-11:00 tiang, Thantlang penguk zung ah cozah zunglei nawlngeitu, khua nu/pa hna le TYA/TSC hna biaruahnak an ngei. Hi biaruahnak ah Thantlang khuapi ah a cangmi ngaihchiat nak le biakhiahnak nawlngeitu COVID-19 Komiti ah khuami le zatlang bu telh in ruahnak halnak le chimhruahnak an ngei.
Zaanlei suimilam 1:00-4:00 PM tiang Chin ramchung cozah Vuanci Pu Soe Htet, Upadi Chok Sonny Thang Cung, ramkulh GAD zungzik, Palik Bawizik, Khuanu khuapa, Biaknak lei, Ngaihchiatnak tongmi chungkhat hna le TYA/TSC hna cu biaruahnak an ngei than.
Hi biruahnak ah TYA/TSC nih, hibantuk kongkau ahhi Mizapi lei teltumnak in a zalongmi hlathlai phu (Indenpendent Inquiry Commission) dirh in hmuhchuah mi fianternak le dantatnak ngeih ding siseh, Penghuap COVID-19 Runvennak Komiti ah khuami teltumnak ngeih ding in siamremhnak siseh, Hmai lei ah atu bantuk a um tilo nak hnga le COVID-19 zulhphung he aa tlak ningin aho mithi hmanh thlaanhmun ah i vui khawh ngakhnga tawlrel piak ding timi hna cu kan hal tiah TYA facebook page ah an langhter.
Hi an halmi kong ah Chin ramkulh cozah nih ruahpiak ding ah le Statement in siseh, thawngfianhnak in siseh tuahpiak dingin lehnak a kan ngeih tiah TYA nih an tarlangh. TYA le TSC hi Thantlang khuachung mino bu le Sianghleiruun phu an si. Hibantuk a zalong mi zatlang bu le Sianghleiruun phu nih cozah sinah halnak tuah mi ahhin 2017 kum lio zong ahkhan Aung San Milem kong ah hmual a rak ngei ngai tiah theih a si.
Source: TYA
