CBN Sport News, 18 Oct 2020: Christiano Ronaldo cu Turin khuapi ah a pumpak vanzuanglawng in a kir than, team training ngei kho lo in inn ah quarantine in erh a silai.
Portugal ca ah bawlung chuih dingi a chuahnak ah Ronaldo hi Covid-19 a kai, Italy ram i zulhphung an ngeihmi bangin ni 10 chung quarantine ah chiah a silai, Ronaldo umlo karlak chung cu Juventus zong an squad ning in midang lak ah i cawhpawlh lo dingin um ter an hau.
Covid-19 zawtnak ngeibu in Ronaldo nih Turin khuapi lei a panh i, Italy sport minister Vincenzo Spadafora nih Ronaldo cu phungbuar ah a puh. Spadafora nih a chim ning ah “nawlngeitu hna nih an onh lo ah cun hihi a dikmi a silo” tiah a chim.
Covid-19 ruangah football lei ah buainak um peng dawhdang a si rih. Juventus hi an league match hmahnung bik an chuihpi ding Napoli cu Covid-19 ruang i an chuah khawh lo ruangah Old Lady nih bawlung chuih bak loin point 3 an hmu.
CBN Sport News
