China, Russia, Pakistan le Cuba ram pawl Vawleicung nuhrin covo phu timi UN Human Right Council ah thim an sinak kong he pehtlai in vawleicung nuhrin covo phu nih fak ngai in soiselnak an tuah.
UNHRC timi hi vawleicung huap thutdan 15 a umnak a si. US ram cu 2018 kum ahkhan UNHRC in Donald Trump biakhiahnak bantuk in an rak chuak.
Hi kong he pehtlai in US ram hrambunh Human Right Wacht lutlai Kenneth Roth nih, “thawngpang chia ngai a si mi cu, nuhrin covo a buar tak mi Tuluk cu vawleicung cozah pawl nih UN Human Right chungtel ah an thim. Thawngpang tha a si mi cu cu hlan ah a rak thim tu ram pawl vote 180 lakah minung 139 lawng an si cang.” tiah a chim.
Hong Kong ah Democracy cawlcanghnak ah activist Joshua Wong nih, “vawleicung ram pawl nih hibantuk ai tlak lomi pawl hi thim ding an si lo” tiah a chim.
Source: Independent
