Nikum Hong Kong buainak le Democracy duhlangh nak tuah lio ah ruah lo pinn a rak tlau mi activist nutar Alexandra Wong cu ruah lo piin a hung chuak tthan. October 17 ni ahkhan media ah a hung lang i, Hong Kong khualipi mipi hmai ah a muihmai a hun i langh.
A mah hi Tuluk ram ah “thla 14 innthong ah erh ka si” tiah a phuan.
Alexandra Wong hi Tuluk cozah nih hramhram hnekchih in ramkhel cawlcanghnak ka hlawt ko lai tiah minsen an thutter pin ah, Tuluk cozah nih an ka hrem lo timi video an ka thlakter tiah a phuan fawn.
Kum 64 nutar Alexadra Wong hi Hong Kong ah June thla hrawng khan biatak ngai in a lar mi a si i, Hong Kong mi tampi nih “Pi Wong” tiah an auh. 2019 June thla ahkhan UK thantar i thlir in Democracy duhlanghnak ah fak piin a rak i tel ca ah August thla ah ruah lo in a tlau mi a si.
Tuluk Communist pawl nih fak ngai in an hnekchih mi minthutnak le ramkhel hmuh ning ka kaltak timi ngaihchihnak an tuahter mi cu mipi sin ah a phuan. “Ka doh mi ral hi ka lung a dong lo. A donghnak ah cun ka sungh mi thil a tam ko lai. Cu ti a si lo ahcun hramhram nawlngeihnak ukphung hi thlen khawh a si lailo” tiah a chim.
Source: BBC News
