US President a tanht mibu hna nih US ram Senate Hluttaw tiah theih lengmang mi Capitol Hall chung ah ralhrang bantukin an luh hnawh hna i, Senate le Congress hluttaw pahnih ning in an biacaih ngol dirhmun tiang an phan.
Hi hluttaw biacaihnak ahhin President si ding ah Joe Biden nih teinak a hmuh i president a si cang lai timi an caih lio a si.
Hluttaw innpi himnak ca ah mi congtu hna le dohaunak a tuahtu mipi hna cu fak pi in an buai. Vice-president Mike Pence zong a himnak ca ah hmun dang ah an thial. Cu leng ah khualipi Washinton DC ah zaan leng chuah lo ding in nawl an chuah.
President-elect Joe Biden nih TV in President Trump duh tu hna cu an buaibainak ngol ding in a nawl hna.
President Donald Trump zong nih doh-aunak a tuahtu mipi hna cu inn lawi ding in nawlnak a tuah i, thimnak ah thimfung hlenthawinak a um ti mi zong a tial chih. President Trump nih thimnak ah meefung hlenthawinak a um tiah a chim lengmang ko nain tehte ngaingai a chuahpi kho lo.
A tulio ah President Trump cu Facebook le Twitter nih suimilam 12 chung ca tar kholo ding in an khampiak. Tutan US buainak ah a tlawmbik minung 4 an thi cang tiah theih a si.
Souce: BBC
