US Capitol Hall ah Trump tanhtu mipi nih buaibainak fak pi an ser hnu le Congress nih Joe Biden teinak an fehter hnu minute tlawmpal te ah President Trump nih Mr Biden teinak cu theih pinak bia a chim cang. Rian pekchanhnak tha tein kan tuah lai tiah a chim.
President Donald trump cu Facebook le Twitter nih ca thlak an kham ruang ah ca a thlak kho lo i senior aide Dan Scavino twitter in cathanh a thlah. President Trump nih, “thimnak phichuak ah ka lung a tling lo nain a ralai mi January 20 ah rian pekchanhnak cu kan tuah ko lai” tiah Trump nih a cathanh ah a telh.
President Trump nih US ram thimnak ah tehte hram ngei loin thimnak ah mee firnak a um tiah a chim thluangthluan ko nain teinak hmuh than ding ah a tuah kho lo i, US Capitol Halll buainak le Congress nih Mr Biden teinak an pek hnu ah hi cathanh a chuah hi a si.
Souce: The Hill
