US President Donald Trump cu COVID-19 zawt rai nih a phak ve i, suimilam 24 chung ah siizung ah an tlik pi tiah theih a si. Hi thawng theih in vawleicung ram hruaitu cheukhat hna nih Trump damnak ding ca ah thlacam biacah tete an chim cio ti a si.
Russia President Putin nih cun, “Na leklak nak, na lungput tha, a tha lei kam in hmuh khawhnak lungput hna nih zawtnak rai tha lo hi an tei ko lai tiah ka zumh” tiah a chim. “President Trump hi rianrang tein a dam khawhnak ding ca ah thla kan cam piak” tiah Russia cozah chimrelnak nawlngeitu Dmitry Sergeyevich nih a chim.
UN Secretary General Antinio Guterus zong nih, “President Trump le an nu Malenia hna rianrang tein an dam khawhnak ding ca ah thla kan cam piak hna” tiah spokeperson Stéphane Dujarric sin in a chim.
Vawleicung ngandamnak phu WHO hruaitu Tedros Adhanom Ghebreyesus zong nih “Trump le an nu damnak ding ca ah thla kan campiak hna tiah a chim. WHO hi COVID-19 rai karh nak kong ah an i palh, Tuluk cozah he luan tuk in hawikomhnak an ngei tiah a rak ti hna i, US ram cu Ngandamnak Agency in phuahnak a rak tuah.
Hi pin ah EU, UK, Germany, Austria, NATO, Canada, India, Israel, Egyp, Jordan, South Korea, Poland, Zimbabwe, Columbia le Guatimala ram hna nih Trump damnak ding ca ah thla kan cam piak tiah Twitter in official ca an tial cio hna.
President Trump A Dam Lo, US Ramkhel Zeidah A Hnur Khawh? | CBN
Source: Mizzima
