ZRA nih Tonzang khuapi kan laak tthan lai tiah tlerhkhawnh nak an tuah mi cung ah thin phang lo dingin le cu thawngpang ruangah khuapi chuahtaak lo dingin CDF-Tonzang nih nihin ah an thanh.
“ZRA nih Tonzang khuapi chung ah Tonzang khuapi kan laak tthanglai timi thawng a thanh caah mizapi chungin cu thawngpang tih ruangah a zaam mi an um hna.ZRA nih mizapi an tthih phaih hna.” tiah nihin an thawngthanhnak ah an langhter.
CDF-Tonzang le CNA ttangti phu hna nih Tonzang khuapi cu ttha tein an hngah ko caah ZRA nih hnahnawh nak a rak chuahpi a si cun kan tuk ve hna lai i kan tthawl hna lai tiah an langhter.
Cu caah Tonzang khuapi chung um mizapi hna chungin ralzam hna lo dingin le ral a zaam mi nan um a si cun ZRA le ttangah kan in ruah hna lai i a herh ah cun dantat nak zong kan tuah lai tiah an cathanh ah cun an langhter.
CDF-Tonzang le Chinland Council – CC ralkap hna nih hin Tonzang khuapi cu tukum May thla 23 ah khan tlamtling tein an rak laak mi a si i kan hnu te ah ZRA nih hnahnawh nak an rak tuah caah kaphnih kar kahdohnak a chuak i ZRA lei minung 10 an thi tiah theih a si.
