Nizan May 23 Tonzan khuapawng kahdohnak SAC ralhraang a thi mi le a nungin tlaih mi an um len i Chin ralkap ttangti phu lei in pasaltha Cheukhat zong nunnak a liam ve tiah theih a si.
Tonzan khuapi hi CNA le CDFs ttangti phu hna nih May 17 khan kah hram an rak thok mi a si i May 21 ah khan khuapi an rak laak khawh.khuapi an laak hnu ah SAC IB 269 in le palik sakhaan in a zaam mi SAC ralhraang hna he Tonzang khualeng ah kahdohnak pehtlai in a chuak rih.May 22 ah khan Tonzang khuapi laak than dingin Helicopter nih SAC nih thazaang a rak chap caah nizan May 23 ah kaphnih kar kahdohnak faak ngai in a chuak than.
“Kahdohnak a faak ngai rih,SAC ralhraang hna an i thuh nakah kan ralkap nih an va luh hnawh hna,SAC anungin an tlaih mi an um len,kan pasaltha hna lei zongin a nunnak aliam mi an um ve. Zei zat an si bel fiangin ka thei lo.SAC nih khuapi laak than dingin an i zuam len nain a laak khawh than nak ding a har tuk cang” tiah thawnghram pakhat nih People’s spring ah a chim.
May 21 i Tonzang khuapi an laak nak ah hin SAC ruak 20 leng,Meithal zun 50 leng le Phaisa kyats sing 3,000 hna an laak tiah theih a si.
Nizan May 23 kahdohnak ah a nunnak a liam mi hna chung ah hin CDF-Thantlang in pasaltha minung 3 nak tlawmlo an i tel i nihin zing kahdohnak ah CDF-Zanniatram pasaltha pakhat zong nunnak liam ve.
