Chin ramkulh,Tongzang khuapi ah nizan June 11 chun ah kahdohnak lio i meithal kuan hawng a khawm tu kum 15 tluk mino pakhat cu bomb nih a puah hnawh i a nunnak a liam tiah theih a si.
A nunnak a liam mi hi Tonzang khuapi ah khua a sa mi,Lungtak khuami Tg Kham Muon Lien kum 15 a si.Tonzang khua Administration zung pawng i kahdohnak lio rak hman mi kuan hawng a khawmh nak ah bomb aa lamh sual hi a si i pawngkam minung nih an tuam hlawm nain sii-ai lei thlop bul manh a si lo caah a nunnak a liam hi a si.
Tg Kham Muon Lien ruak hi a chuahsemnak khua Lungtak ah vui liam dingin timhlamh a si.
Tonzang khuapi cu Chinland Council ralkap bu hna nih May 24 ah khan tlamtling tein an rak laak khawh cang i a tu ah cun minung a zatawk khua ah an kir cang i dawr cheukhat zong aa hong cang tiah theih a si.
