A luancia June thla 29 ah a rak cang mi Rakhine ramkulh Yatehtaung peng Okar khua ah kum 36 nu a rak tlaihhrem tu Tatmadaw ralkap pathum hna cu Sittwe peng ralkap biacaihzung nih rianhrang thong (ze-phet) ah kum 20 thong thlak ding in bia a caih hna.
A luancia June 29 ah khuachung ah a rak lut mi Tatmadaw ralkap bu chung in ralkap pathum hna nih nu pakhat cu a bu in an tlaihhrem. Caan a rauh hnu July 10 ahkhan Sittwe Palik sin ah report a tuah.
“An mah lei nih taza an cuai hna nak case number 376, 366 in siseh, Tatmadaw biacaihnak cang 71 in biacaih an si i, pakhat cio kha thong kum 20 thlak ding in biacaih an si” tiah hi tlaihhremnak case ah tuanvo alak pi tu Sihni Daw Mya Thu nih a chim.
HI tazacuainak hi thlak 6 a rau i, Tatmadaw biacaihnak ah kum 20 thong an thlak hna hi a fak bik a si ko rih tiah a chimchap.
A luancia July 2 ahkhan Tatmadaw lei in thawngthanhnak an tuah mi ah thawngpang dik lo a si, Tatmadaw lei nih kan tuah lo tiah an thanh nain a hnu ah chekhlatnak a rak um hnu ah Ralkap biacaihzung ah ralkap pathum hna nih an sual ko nak kong cu an rak phuan.
A tu bantukin thil a cannak hi ral ruang ah si i, ral ruang ah nu hna an him hrimhrim lo tiah Rakhine ram hrambunh CSO phu 100 nih thawngthanhnak an tuah.
Source: Mizzima
