CBN News, 17 Nov 2020: Philippine ram, National disaster managent agency nih an thanh ning ah an ram i Typhoon Vamco thlichia le tilian a thawh ruangah minung 67 an thi cang i midang 12 hrawng thawngpang theihkhawh rihlo mi an si tiah an thanh.
Philippine ram Typhoon Vamco thawhnak hmun pakhat Tuguegarao province cu a hmun zohpiak dingin an ram President Rodrigo Duterte zong va tlawng dingin timhlamhnak an ngei. hi hmun ah hin minung 20 an thi cang.
Typhoon Vamco thawhnak hmundang Luzon province ah minung 17 an thi ve cang, Metropolitan Manila ah midang 8 an thi cang, ramkulh dang ah minung 20 hrawng a thi mi an um ve cang tiah Disaster Agency nih an thanh.
Luzon Province hi Typhoon Vamco a fahnak bik pengkulh a si, Typhoon Vamco hi Philippine ram thlichia nih a den voi 21 nak a si.
CBN News
