Tukum Myanmar ramkomh thimnak ah UEC nih thimnak tuah khawh lonak ding tiah arak thanh i thimnak tuah a si lonak hmun pawl ah caankarlak thimnak tuah dingin Tatmadaw nih forhfialnak a tuah.
November 12 ni zong ahkhan ULA/AA hriamtlai hna nih Rakhine ramkulh le a dang hmunhma hna ah thimnak tuah khawhlonak hmun pawl ah thimnak tuah tthan ding in halnak a tuah. Cu halnak a tuah mi cu Tatmadaw zong nih a cohlan piak i thimnak tuah tthan khawhnak ding ca ah kan i zuam lai tiah thanhca a chuah ve.
2020 Myanmar ramkomh thimnak ah Rakhine ramkulh, Chin ramkulh Paletwa, Kachin ramkulh, Shan Ramkulh le Pegu ramthen hmun cheukhat pawl hna ah cun mipi himnak dawnkhan thil an um timi ruang ah UEC nih thimnak tuah khawh lonak hmun tiah thawng a rak thanh.
2020 thimnak ah atubantuk thimnak tuah khawhlonak hmun a tam ruang ah rampi 1.3 million leng thimfung thlaknak nawl an sung tiah theih a si.
Source: BBC
