US President Donald Trump le president hluan Barack Obama cu US mipi sin mee kawlnak ca ah fak ngai in bia in an i do tiah theih a si.
Democratic Party nih president ca ding ah an i thawh mi Joe Biden a ttanhtu president hlun Obama nih Pennsylvania mipi sin ah Trump cu “Tar molh” tiah a a bia in a den. Cu leng ah miphun thleidan hmang a si tiah a ti fawn.
North Carolina ah president Trump nih Mr Obama nih 2016 thimnak ah thil hmuhning a rak i pahnak kong he pehtlai in a mawhchiat ve. Ni 13 lawng aa duh cang mi US President thimnak ah Biden nih milung lak nak ah a tei deuh rih tiah ruah a si. f
Trump cu Gastonia a phak lio ah fak ngaingai in Democratic party minung a den ve hna. Mipi nih “Trump thazaang sertthannak” le “Biden namhnulnak” ah nan duh mi thim khawh a si tiah a chim.
“Obama bantukin mihrokhrol Hilliary Clinton ca ah campaign a tuah tu a hohmanh an um lo, si lo maw?” a hun ti lio ah mipi nih “boo” tiah an hun auhnawh. Cu lio ah Trump ” Obama nih kha lio ah khoika hmun paoh ah hmuh khawh a si” tiah a chim. Trump nih a peh mi ah Hilliary a sungh zaan ahkhan Hilliary nakin a lung a fak deuh mi cu Barack Hussein Obama a si” tiah a den ve.
A tulio US ramchung ah thimnak khuati a linh saling a si. Mipi thimfung ca ah a phuphu in khual an tlawn cuahmah lio a si i, Mr Obama zong hi Biden ca ah thimfung kawl in Florida ah a kal cuahmah tiah theih a si.
Source: BBC News
