Mirang nih dragon fly an ti mi Lai nih Titawng (a cheu nih zangmalikawk, ti soih) kan ti mi hi minung hawi phunkhat an rak si ve. Titawng an tamnak hmun ahhin ngalsang an tlawm ti a si.
Titawng pakhat nih thil a tikhawhnak hi minung nih fimthiamnak he ser mi jet vanlawng le helicopter nakin a sang deuh ee ti a si. Titawng hi an thla an zah tikah a thawng thei lo in an tuah khawh.
Thli chung ah i thial lo tein an dir kho. An sirlei ah an zuang kho i hnulei zong ah an zuang kho ti a si. An mit hi khuaruahhar ngai a si. Multilenses timi durbing tam taktak a um ti a si.
Titawng pakhat nih ngalsang a tlaih tikah hin a hnulei in dawi siloin ngalsang a zuan nak ding lam ah i tong in tlaih khawh ding hmunhma ai tinh khawh ti a si.
Titawng pawl hi tikhur le tibual bantuk ah a nu nih a ti an tit. A t ia keuh tikah ti leng ah an chuak i titawng fa ah an i cang ti a si.
Minung nih tibual le tiva pawl hnawmhtamh ruang ah titawng hna hi an ti an keuh kho lo i an zor cuahmah cang ti a si. Minung hawikom tha ngai an rak si ve ko ti a si. Philippine ram ah cun a thaw bik le a man a fak bik rawldawr pawl ah titawng dinhhang hi a si ee ti a si.
Source: The Guardian
