Tanintharyi Ramthen, Thayetchaung peng i SAC Pe-Dat sakhaan cu ralhraang lei nih ti ralkap, Van ralkap le ke ralkap he tiin a kham len nain Karen miphun ralkap KNLA le PDF ttangti phu nih ni 4 chung an doh hnu May 8,nihin zinglei ah tlamtling tein an laak.
“May 5 in kah hram kan thok i cu le cangka SAC lei nih Vanlei le hriampi an hman colh, Vanlawng in bomb lung 100 leng a thlak. A tucu kan laak khawh cang.SAC lei in a thi mi an tam pin ah a nungin kan tlaih mi hna zong an tam” tiah dothlennak ralkap nih an chim.
SAC Pe-Dat sakhaan cu Thayetchaung peng ah a lian cem mi a si i Kahdohnak chung ah an sakhaan an sungh nak hnga lo SAC lei nih K8W jet fighter le Mi-2 raltuknak helicopter hmangin ni 4 chung kahdohnak an tuah leng ah raltuknak tilawng zongin hriampi ceilak an kah tiah theih a si.
Thayetchaung peng Myeik-Dawei lampi cungah a um mi SAC Kyaukse Pyusawhtee sakhaan , Pa-det sakhaan le Winwa sakhaan hna cu KNLA te PDF ttangti phu nih May 5 khan kah hram an rak thok hi a si a zapi in an laak khawh.
Kahdohnak chung i SAC lei a thi le hliam cazin le hriamlaak zat hna cu fiang in theih khawh a si rih lo.
