ThangTlang Ralkap 2 Hriamnam Hen CNA / CDF Sin Ah An I Fonh.
======================
December 27, 2022
Chin ramkulh, Thangtlang khua um SAC Ralkap phu in ralkap 2 cu December 24 zanlei ah hriamnam hen CDF/CNA sin ah an i fonh tiah thawng theih asi.
“An pahnih in zan ah an rak zaam. Thangtlang khua chung CDF/CNA phu pawl an umnak ah an zaam. Meithal zun 2 le kuan an rak put ” tiah tual chung mi pakhat nih a chim.
A zam mi SAC Ralkap pahnih cu CDF le CNA nih lunglawm tein an dong hna ii himnak hmun ah zaan ah an kuat hna tiah theih a si.
Hakha – Thangtlang kar a luancia November thla chung ah kahdohnak a fak ii SAC Ralkap nih vanlawng in an bawm hna.
SAC Ralkap pawl cu Hakha le Meng 5 a hlatnak Timit tiang lawng an phan kho ii thangtlang lei cu lam in a bawm tu an kuat kho rih hna lo.
A tu December thla chung Hakha – Thangtlang kar le Thangtlang khua chung ah kaphnih kahdohnak a um rih lo.
