Kahdohnak fak ngai in a chuah cuahmah nak Rakhine ramkulh,Thandwe peng Sin-Khong khuate khuami 100 tluk cu SAC nih tilawng le vanlawng in hriampi an kah nak in minung 100 tluk an thi tiah Rakhine ram hrambunh media cheukhat nih nihin ah an langhter.
Kahdohnak ruangah ralhrial aa tim mi khuami hna cu SAC nih chuah nak nawl an pe hna lo i khuachung ah an i taap caah a tu bantuk in an nunnak a liam hi a si.
“Sin-Khong khua hi a zualhma cem an si.June 4 tekhan kahdohnak aa thok cang i nizan kha cu kahdohnak a fak taktak.khuami hna ral hrial an duh ko nain SAC nih an kham hna.kahdohnak chung ah Vanlawng le tilawng in bomb an thlak caah minung zeizat an thih ticu a fiang lo nain a thi mi an tam ngai ngai” tiah June thla thok ah Sin-Khong khua in ral a zam mi pakhat nih People’s Spring ah a chim.
Sinkhong khuate ah hin a luancia June 4,zanlei slm 2 tluk khan SAC nih vanlei in kahdohnak tuah hram a thok i rili chung um mi tilawng le hriampi phu hna zong nih nihin June 7 tiang pehtlai in hriampi an kah tiah theih a si.
A tu lio ah Rakhine ralkap AA nih Thandwe khuapi a laak khawh deng cang tiah Rakhine hrambunh thawngzamh hna nih an tial len i SAC nih a sakhaan a sung lo nak dingah tilawng le vanlawng he hmangin biatak tein a doh cuahmah ve tiah theih a si.
