Thaizing February 1 thawk in 2020 thimnak phichuak teinak a hmu tu hna chung in Myanmar ramkomh House of Representatives Speaker le Deputy Speaker an thim hna lai tiah theih asi.
A ralai mi House of Representatives hi 2008 phunghram tang ah avoithumnak House of Representatives a si lai.
Nihin January 31 cakhenh in Pyituh Hluttaw nih thanhca an chuah i, avoikhatnak bik ah Hluttaw meeting tuahnak ah Chairperson an thim hna hnu ah Hluttaw Speaker le Deputy Speaker hna cu thim an si telai tiah an thanh hi a si.
Thaizing February 1 ah House of Representatives ah teinak a hmutu hna nih biakamnak an tuah lai i, Speakers hna thimnak hi an tuah telai. Cu hnu ah Avoihnihnak Pyituh Hluttaw Speaker le Deputy Speaker hna he incharge i peknak an tuah telai.
2008 Phunghram tang ah avoikhatnak House of Representatives ah Speakers a rak tuan mi hna cu U Shwe Man le U Nanda Kyaw Swar an rak si. Avoihnihnak House of Representatives ah Speakers a rak tuan mi hna cu U Win Myint le U Htun Htun Hein hna an rak si. President U Htin Kyaw a rian ai dinh tikah House of Representatives Speaker in U Win Myint cu president ah thim a si i, a mah zaka ah U T Khun Myat rak thim a si.
Avoithumnak House of Nationalities (Amyotha Hluttaw) cu February 2 ah tuah ding in timhtuah a si.
Source: BBC
