Tedim Peng Ah Fasem Ngei Nu Pakhat Ralhrang 3 Nih A Pasal Hmai Ah An Tlaihhrem.
Chinram, Tedim pengkulh, Aklui khua ah A fa thlakhat lawng si rihmi nausem changlio nu pakhat (fa 3 ngei) cu A pasal hmaika ah ralhrang 3 nih November 12 zaan ah voi tampi an tlaih hrem tiah chungkhar hna nih an chim tiah Zalen nih a ttial.
Aklui khua cu Kalay in Tedim kalnak lampi ah a ummi si i October 30 in November 13 tiang ralhrang nih hmun an rak khuar.
Tukar hrawng hi ralhrang pawl nih mi an tlaihhrem pah lengmang hna, Kan hnu te zong ah Shanram Kwatkhaan hmun ah kum 62 tarnu pakhat cu ralhrang Phekhone Battalion 336 ralkap Min Min Soe nih November 7 ah a tlaihhrem, Cu kongah a tlingmi tehte a um caah hremnak kan peklai tiah November 11 ah Ralhrang nih a thanh.
June 10 ah ralhrang pakhat nih Kwatkhaan peng Nanphatka ah kum 14 phungkinu a tlaihhremmi kong belte ralhrang lei in zeihmanh an chim rihlo.
Ref: Khit Thit Media
